غنيت لأصغر همومي....

[size=24]عسانـي أخـطـي رداه وهـزلـه وميـلـه

وأصيـب شـيٍ لـيـا قلـتـه يربحـنـي



والله يسامـح خـطـاه وســوء تأويـلـه

وأنـا علـى زلـتـي ربــي يسامحـنـي



النـاس كـلٍ علـى هـمـه يغـنـي لــه

وغنيت( لـــــــ أصغر همومي ) وأنكسـر لحنـي



ياصاحبـي صاحـبـك كـثـرت غرابيـلـه

ولا بـه إلا أنــت يشعـر بـي ويلمحـنـي



وين أنت يـا أطهـر مـن الغيـم وهماليلـه ؟!

ياللـي ليـا مـر لـك طــاري يفرحـنـي



جاد بَـك كـف الزمـان وشـح مـن ليلـه

شـف كيـف الأيـام ماتبغـى تريحـنـي !!



وشلـون أباأنسـاه و أنـا أصغـر تفاصيلـه

تسـر حالـي ولـو حـال الزمـن محـنـي



صوته ،، وضحكه ،، حـور عينـه ،، مظاليلـه

صباح وجهـه ،، عسـى وجهـه يصبحنـي



ربكـة يدينـه ،، شـذى عطـره ،، ومنديلـه

براءتـه ،، طيشـه ،، إن حــاول يمازحـنـي



أجيه ،، و أوقف ،، و أروح ،، ألقاني أجـي لـه

وأضيق،، و أرضى ،، ولا أدري من مصالحني ؟!



أدل كـل الـدروب الـلـي تــودي لــه

وتردنـي عـزتـي والـشـوق ذابحـنـي



ياكثـر حزنـي عليـه وكبـر حبـي لــه

وياطول صبري وأنا اللـي صـدق جارحنـي



يا أطهر مـن الغيـم وأعـذب مـن هماليلـه

ياللـي ليـا مـرّ لـك طــاري يفرحـنـي



أخطيت أنا وأنت نفس ( الجـرح والليلـه )

وسامحـك قلبـي وعيـا لا يسامحـنـي !!!!

[/size]

[img]http://alsbtain.alatham.com/qatifoasis/upload//14373-1-960568729.gif[/img]